Qulaylik zonasidan chiqishning samarali usullari
Qulaylik zonasidan chiqish uchun miyangizni qanday chalg‘itish mumkin? Ushbu strategiyalar yordamida har qanday yangi va qiyin ish osonroq tuyuladi.
Jamoat oldida chiqish qilishingiz yoki ishda maosh oshirishni so‘rashingiz kerak, lekin qo‘rqasizmi? Mana, miyangizni aldash orqali bu qo‘rquvni yengish usullari.
1. Jarayonga e’tibor qarating va undan rohatlaning
Natijaga haddan ziyod e’tibor qaratish birinchi qadamni qo‘yishni qiyinlashtiradi, ayniqsa harakat xavfli ko‘ringanda. Buning o‘rniga butunlay jarayonga sho‘ng‘ib, undan zavqlanishga harakat qiling. Masalan, marafon yugurish hayajonli va qo‘rqinchli tuyulishi mumkin, ammo haftasiga 3-4 marta uch oy davomida yugurishni odat qilish unchalik qiyin emas.
Bu yondashuv professional sohada ham foydali. Masalan, HERE Mobility marketing bo‘limi rahbari Irit Singer karyerasini o‘zgartirishda shunday yondashuvdan foydalangan.
"Biz maqsadlarga erishish jarayonidan rohatlanishni unutamiz," deydi Singer. "Ha, muvaffaqiyat uchun qat’iyat va ambitsiya zarur, ammo faqat yakuniy natijaga oshiqib ketmaslik muhim. Aks holda, hozirgi lahzani qadrlay olmay qolasiz va vaziyatni to‘g‘ri baholay olmaysiz."
2. Kamroq xavfli vaziyatlarda mashq qiling
Ko‘pchilik uchun jamoat oldida so‘zlash og‘ir. Agar tez orada taqdimot qilish kerak bo‘lsa, oldindan mashq qiling. Kengash yig‘ilishlarida ko‘proq gapiring yoki hech kimni tanimagan tadbirga boring. Bunday vaziyatlar so‘zlash ko‘nikmalarini shakllantirish uchun qulay, chunki ular kamroq xavf tug‘diradi. Keyinchalik, begona odamlar oldida gapirish qanchalik osonligini sezishingiz mumkin.
MIT Leadership Center ijrochi direktori Hal Gregersen ham mavjud bilim va tajribangiz kam yordam beradigan loyihalarda ishtirok etishni tavsiya qiladi. Bu sizni yangi narsalarni real vaqt rejimida o‘rganishga majbur qiladi va notanish vaziyatlarga qo‘rquv kamayadi.
3. O‘zingizga boshqa yo‘l qoldirmang
Agar professional tarmog‘ingizni kengaytirmoqchi bo‘lsangiz, qiziqarli tadbirga ro‘yxatdan o‘ting va qatnashishni tasdiqlang. Jismoniy holatingizni yaxshilamoqchi bo‘lsangiz, uch oy ichida bo‘lib o‘tadigan marafonga yoziling. Qiyin masalani muhokama qilish kerak bo‘lsa, uchrashuv belgilab, uni bekor qilolmasligingizga ishonch hosil qiling.
Qo‘rqinchli ish majburiyatga aylanganda, uni bajarish ancha osonlashadi. Ko‘p marta mashq qilsangiz, bu siz uchun oldingidan ancha yengil tuyuladi.
Qo‘shimcha o‘qing
- Hayotingizni o‘zgartiradigan ikki daqiqa
- Sizni ishlashga majbur qiladigan 4 oddiy savol
- Sekin-asta cho‘qqiga: muvaffaqiyatga erishishning isbotlangan yo‘li
Siz Motivatsiya bo'yicha eng so'nggi yangiliklar va aktual voqealarni 13-10-2018 sanasida topdingiz. Maqola sarlavhasi: " Qulaylik zonasidan chiqishning samarali usullari " sizga Motivatsiya sohasidagi eng dolzarb va ishonchli ma'lumotlarni taqdim etadi. Har bir yangilik chuqur tahlil qilingan va sizga foydali bilimlar berish uchun tayyorlangan.
Qulaylik zonasidan chiqishning samarali usullari haqidagi ma'lumotlar sizga Motivatsiya bo'yicha qarorlaringizni yanada to'g'ri qilishga yordam beradi. Saytimizda yangiliklar doimiy yangilanadi va Jurnalstika standartlariga to'liq javob beradi.