Nokia Rossiya bozoridan chiqishini e’lon qildi
Nokia Rossiya bozoridan chiqishi va telekommunikatsiya sohasidagi yangi o‘zgarishlar haqida so‘nggi yangiliklar.
Oldinroq, telekommunikatsiya sohasining yana bir yirik kompaniyasi Ericsson ham Rossiya bozoridan chiqish to‘g‘risida qaror qabul qilgan edi.
Fin kompaniyasi Nokia rasmiy ravishda Rossiya bozoridan butunlay chiqishini ma’lum qildi. 2 mart kuni esa kompaniya sanktsiyalar tufayli jihozlar yetkazib berishni to‘xtatgandi.
Matbuot xabarida ta’kidlanishicha:
Gumanitar nuqtai nazardan, G‘arb davlatlari hukumatlari Rossiyaning telekommunikatsiya tarmoqlaridagi muhim infratuzilmalarning ishlashida xavf mavjudligidan xavotir bildirishdi. Ular internetga uzluksiz kirishni ta’minlash muhimligini ham qayd etdilar. Shuning uchun biz chiqishda, tarmoqlarni qo‘llab-quvvatlash uchun zarur xizmatlarni taqdim etishga intilamiz va amaldagi sanktsiyalar doirasida ushbu qo‘llab-quvvatlashni ta’minlash uchun tegishli litsenziyalarni olishga harakat qilamiz.
Moliyaviy natijalarga ta’siri haqida gapiradigan bo‘lsak, 2021 yilda Nokia sof savdolarining Rossiya ulushi 2 foizdan kam edi. Boshqa mintaqalarda yuqori talabni hisobga olganda, kompaniya bu qaror 2022 yilgi prognozlariga ta’sir qilmasligini taxmin qilmoqda.
Shuningdek, yaqinda Ericsson kompaniyasi ham Rossiya bozoridan chiqishini e’lon qilgan va yetkazib berish hamda biznes jarayonlarini to‘xtatgan edi.
Telekommunikatsiya uskunalarini sotib olishdagi qiyinchiliklarni oldindan ko‘rib, Rossiyadagi operatorlar mart oyida aloqadagi muammolar haqida ogohlantirish bergan. Raqamli rivojlanish vazirligi esa ularga cheksiz tariflarni bekor qilish hamda paketdagi internet trafikini kamaytirishni tavsiya qilib, tarmoqlarga yukni muvozanatlashga chaqirgan.
Siz Zamonaviy Texnologiyalar bo'yicha eng so'nggi yangiliklar va aktual voqealarni 17-04-2022 sanasida topdingiz. Maqola sarlavhasi: " Nokia Rossiya bozoridan chiqishini e’lon qildi " sizga Zamonaviy Texnologiyalar sohasidagi eng dolzarb va ishonchli ma'lumotlarni taqdim etadi. Har bir yangilik chuqur tahlil qilingan va sizga foydali bilimlar berish uchun tayyorlangan.
Nokia Rossiya bozoridan chiqishini e’lon qildi haqidagi ma'lumotlar sizga Zamonaviy Texnologiyalar bo'yicha qarorlaringizni yanada to'g'ri qilishga yordam beradi. Saytimizda yangiliklar doimiy yangilanadi va Jurnalstika standartlariga to'liq javob beradi.